كشفت الراقصة صافينار عن أمنيتها في الحصول على الجنسية المصرية، مؤكدة أنها تعيش في مصر منذ 14 عامًا، وتلتزم بالقوانين، لكنها لم تنجح في الحصول على الجنسية حتى الآن.
وقالت صافينار في تصريحاتها: أنا مش معايا الجنسية المصرية، ونفسي أخدها وبحلم بيها، بس لازم أكون متجوزة مصري وأنا متجوزتش، ومش هعمل زي البنات اللي عملوا جواز فيك علشان ياخدوا الجنسية، كل اللي معاهم الجنسية اتجوزا فيك.
وأضافت صافينار: أنا بقالي 14 سنة في مصر، وملتزمة بالقوانين وبدفع ضرائب، لكن مفيش أمل غير إني أتجوز واحد مصري.
وفي سياق مختلف، سبق وأعربت صافيناز عن استيائها من تشبيهها بالراقصات اللائي يثرن الجدل في حفلاتهم بالساحل الشمالي، إذ أكدت أنهن لسن راقصات محترفات، واصفةً هذه الراقصات بـ الريكلام، مشيرة إلى أن تشبيهها بهن إساءة كبيرة.
وقالت صافينار: الراقصة لازم تاخد بالها من لبسها، واللبس يكون مريح ومحتشم، بيجيبوا ناس مبيعرفوش يقفوا على المسرح، أي واحدة معاها 500 جنيه، بتجيب بدلة رقص وتروح الساحل، وتبقى راقصة، وبعد كدة بيقولوا الراقصات غالية!، لاء معلش متقارنوش الناس المحترمة بالـ أي كلام.
