أثارت واقعة عض طفل في حضانة شهيرة بحدائق الأهرام في الجيزة جدلًا واسعًا عبر منصات التواصل الاجتماعي، بعد أن شاركت والدة الطفل المتضرر شكواها بسبب تعرض صغيرها لسلسلة من التجاوزات والإهمال الصحي والنفسي، ما دفعها إلى التحذير العلني من استمرار وقائع الأذى بشكل متكرر على مدار شهرين ونصف.
أول تعليق من ولي أمر الطفل صاحب واقعة العض في حضانة شهيرة بـ حدائق الأهرام
وقال عبد الرحمن عبد المعز ولي أمر الطفل لـ نبض القاهرة: أنا روحت شوفت الكاميرات بعد رجوع ابني معضوض مرتين ومتخربش في وشه، وظهر في الفيديو وجود مُدرسة بين الأطفال لكن حصل إهمال ومحدش ركز معاهم، ومحدش اتدخل غير لما الطفل عيط وصرخ، وبخصوص الإهمال في أدوات ابني الشخصية، تكررت الواقعة أكتر من 3 مرات ولما قالولي هنطمنك على ابنك وهو نايم، لقيت إنه نايم على ملاية مش بتاعته والواقعة اتكررت أكتر من مرة.
وأضاف ولي أمر الطفل: أدوات الطفل المفروض استخدام شخصي، ومفيش اهتمام وكان لازم ألفت الانتباه لأكثر من مرة عشان الحاجة تتعمل، ابني كان بيرجع لي بـ هدوم مش هدومه، وقعد أسبوع يستخدم حاجة مش حاجته وما اتفجأتش بـ ده غير لما رجعوا لي أدواته عشان تتغسل وتتعقم آخر الأسبوع، قالوا لي ابنك هو اللي بيضرب نفسه ومسك إيد صاحبه وحطاها في عينه.
وتابع: هعمل شكوى في إدارة الشئون الاجتماعية وهتخذ الإجراءات القانونية، ونتحقق من تراخيص الحضانة وتوثيق فرع حدائق الأهرام في منطقة 6 أكتوبر، ولما بقول لمديرة الحضانة هعمل بلاغ للمسؤولين قالت لي اعمل اللي انت عايزه مفيش مشكلة، ابني قعد في الحضانة لمدة شهرين ونصف وعلى مدار هذه الفترة تعرض لـ 10 وقائع وكل مرة كانوا يقولوا لي دي آخر مرة وهيحصل تعديل.. لكن مفيش أي حاجة بتتحسن.
