كتبت : فاطمة عاطف
تواجد النجم الكبير محمود حميدة خلال ندوة المخرج الراحل يوسف شاهين بمهرجان الجونة السينمائي، وتحدث عن علاقته بالمخرج الراحل.
وقال : “يوسف شاهين كان أب ليا والفرق في العمر بينه وبين والدي سنتين، وكان بيستقبل انفعلاتي زي والدي بالظبط لما بيوجهني لانه عارف إني حمار وعنيد مش بيقولي بشكل مباشر، وكان مبدع الله يرحمه”.
كما تحدثت يسرا عن عمق تأثيره على الممثلين الذين عملوا معه، قائلة:”أى فنان يشتغل مع يوسف شاهين بيتأثر بيه جدًا”.
وتابعت :”تأثيره بيكون طاغٍ لدرجة إن بعض الممثلين ممكن يظهروا بطريقة مختلفة عن طبيعتهم، وده لأنه كان عنده قدرة غير عادية على إخراج طاقات الناس اللي حواليه”.
وأضافت يسرا: “يوسف شاهين كان بيحب الممثلين جدًا، وكان يقف ورا الكاميرا بنفسه علشان يلقط مني التعبير اللي عايزه، من غير ما يطلبه بشكل مباشر”.
وأكملت :”كان يعرف إزاي يوصلك للحالة اللي في دماغه من غير ما يقلّبك نسخة منه، وده الفرق بين التأثر بيه والتقليد.”
وحضر الجلسة النقاشية من النجوم حسين فهمي، يسرا اللوزي، محمود حميدة، لبلبة، المخرج خالد يوسف، المخرج عمر عبد العزيز، الفنانة التونسية رشا بن معاوية، المنتج محمد حفظي.
بالإضافة إلى روجينا، خالد عبد الجليل رئيس الرقابة على المصنفات الفنية السابق، عدد اخر من الفنانين وصناع السينما وضيوف مهرجان الجونة السينمائي بدورته الثامنة.
