كشف أحمد السيد زيزو لاعب النادي الأهلي والمنتخب تفاصيل مشكلته مع نادي الزمالك قبل رحيله مجانا الي الفريق الأحمر.
وقال في تصريحات تليفزيونية: والدي اشترط لتجديد التعاقد مع الزمالك ألا يتم بيعي في أول موسم وده كان الشرط الوحيد وإدارة النادي وقتها رفضت ولو النية صادقة كانوا وافقوا، مضيفاً ، الكابتن حسين لبيب قالي مقدم العقد بتاعك هنديك بيه بيت وتقدر تبيعه بعد سنتين وباقي العقد السنوي النصف بتاعه من مُحب من خارج الزمالك والنصف الثاني النادي هيدفعه
وواصل يقول لـ إدارة الزمالك قولي سبب واحد يخليك تشوه في صورتي وصورة أبويا اللي هو عمال يستثمر في ابنه وأبويا ما أخدش عمولة واحدة من حسين لبيب علشان يتقال عليه كده.
وأكمل حديثة: أبويا كان بيتشتم لمدة سنة ونصف ومطلعتش أتكلم.. والإدارة قالت لي إطلع قول للجمهور إنك عاوز تمشي بعد عرض نيوم السعود.
وتابع: إدارة الزمالك استدعتني لتجديد العقد أثناء عرض نيوم وكنت هاخد فيه 5 ملايين دولار في السنة ووالدي قالهم شوفوا هتدفعوا ليه كام فطلع عضو مجلس إدارة قال في الإعلام زيزو عاوز 100 مليون جنيه
وأكد على اتفاقه مع الزمالك للتجديد بقوله: اتفقت مع الزمالك على تجديد التعاقد في شهر أكتوبر الماضي وقرأنا الفاتحة في وجود الكابتن حسين لبيب بقيمة أقل من 50 مليون جنيها
وأكمل حديثة: “جمعتني مكالمة مع الكابتن حسين لبيب وبلغته إما تبيعني وتستفيد بالفلوس من نادي الشباب بـ 6 مليون دولار أو أوقع دلوقتي للزمالك.. قالي هندرس الأمر ومحدش رد عليا”
وأتم: آخر سنة ونصف في عقدي مع الزمالك كانوا مشكلة.. وجالي عرض من الشباب بـ 7 ملايين دولار واستمريت في الزمالك 6 سنوات وعمري ما عملت مشكلة مع حد
