سخر الإعلامي محمد علي خير، من وضع أحد المطورين العقارين، شرط شراء مدفن مع الوحدة السكنية بأحد الكومباوندات التابعة له.
وقال محمد علي خير عبر حسابه على موقع التواصل الاجتماعي فيس بوك: أن يشترط المطور العقاري الذي يبني كومباوند علي كل (مشتري) لوحدة سكنية الاشتراك الإجباري في النادي الرياضي.. فهذا يمكن تفهمه وبلعه.. لكن أن يشترط المطور علي مشتري الوحدة السكنية شراء مدفن (مملوك لشركة المطور العقاري) مع الوحدة.. فهذا لا أفهمه.. خاصة: أول هام.. أنا كمشتري.. بشتري شقة في الدنيا..مش بفكر في الآخرة دلوقتي.
وأضاف علي خير: تاني هام هو احنا بنتعامل مع شركة عقارية ولا وكيل مدافن، تالت هام.. أغلبنا من سكان بحري وقبلي عندنا مدافنا الخاصة في مسقط رأسنا ولما بنموت.. بندفن في مدفن العيلة، رابع هام.. المدفن اللي عرضته الشركة ب2 مليون جنيه ( ومش معاه صك غفران لدخول الجنة).
وواصل: خامس هام.. الطلب ده غير دستوري وفي أوروبا والدول المتقدمة.. اللي بيبيع البيت غير اللي بيبيع المدفن، وحدوووووه.
